Click it and Unblock the Notifications
7-సీటింగ్ కెపాసిటితో వ్యాగన్ఆర్ అభివృద్ది చేస్తున్న మారుతి సుజుకి
మారుతి భవిష్యత్తులో విడుదల చేయనున్న ఒక్కొక్క మోడల్ గురించిన వివరాలు ఇప్పుడు ఆన్లైన్ వేదికగా ఇంటర్నెట్లోకి చేరుతున్నాయి. అందులో ఒకటి మారుతి వ్యాగన్ఆర్ 7-సీటర్ ఎమ్పీవీ. దీని గురించిన పూర్తి వివరాలు నే
మారుతి సుజుకి ఇండియన్ ప్యాసింజర్ కార్ల పరిశ్రమలో ఉన్న వివిధ కార్ల తయారీ సంస్థ మధ్య వేడిని పెంచుతూ... వివిధ రకాల కొత్త మోడళ్లను విడుదల చేయడానికి ప్రణాళికలు రచిస్తోంది.
మారుతి భవిష్యత్తులో విడుదల చేయనున్న ఒక్కొక్క మోడల్ గురించిన వివరాలు ఇప్పుడు ఆన్లైన్ వేదికగా ఇంటర్నెట్లోకి చేరుతున్నాయి. అందులో ఒకటి మారుతి వ్యాగన్ఆర్ 7-సీటర్ ఎమ్పీవీ. దీని గురించిన పూర్తి వివరాలు నేటి కథనంలో...
Recommended Video
స్మాల్ హ్యాచ్బ్యాక్, ఎమ్పీవీ, క్రాసోవర్ మరియు ఖరీదైన ఎస్యూవీ ఈ నాలుగు కెటిగిరీలలో ఒక్కోదానిలో ఒక్కటి చెప్పున వచ్చే నాలుగేళ్లలోపు నాలుగు కొత్త మోడళ్లను విడుదల చేయడానికి మారుతి సుజుకి సన్నద్దం అవుతోంది.
వీటిలో బాగా ప్రాచుర్యం పొందిన వ్యాగన్ఆర్ హ్యాచ్బ్యాక్ కారును 7-సీటింగ్ కెపాసిటితో మల్టీ పర్పస్ వెహికల్ సెగ్మెంట్లోకి విడుదల చేసే ఆలోచనలో మారుతి ఉంది.
2013లో జరిగిన ఇండోనేషియా ఆటో షో వేదిక మీద సుజుకి ప్రదర్శించిన మూడు వరుసల సీటింగ్ గల వ్యాగన్ఆర్ ప్రేరణతో అభివృద్ది చేస్తున్నట్లు తెలిసింది.
Trending On DriveSpark Telugu:
ఇది విపణిలోకి ప్రవేశిస్తే, ప్రస్తుతం అతి తక్కువ ధరతో ఆరు మంది ప్రయాణించే వీలున్న డాట్సన్ గో ప్లస్ కారుకు గట్టి పోటీనివ్వనుంది. ఇంజన్ వివరాలు తెలియరాలేదు, అయితే మారుతి లైనప్లో ఉన్న అదే 1.0-లీటర్ మూడు సిలిండర్ల కె-సిరీస్ పెట్రోల్ ఇంజన్ అందించే అవకాశం ఉంది.
మూడు వరులతో ఏడు మంది కూర్చునే సీటింగ్ లేవుట్తో సరికొత్త ఎమ్పీవీని విడుదల చేస్తామని ప్రకటించినా... ఖచ్చితంగా ఎప్పుడు లాంచ్ చేస్తారనే విషయాన్ని వెల్లడించడానికి మారుతి నిరాకరించింది.
అంతర్జాతీయంగా వైజెసి అనే కోడ్ పేరుతో కాన్సెప్ట్ రూపంలో 2013లో ప్రదర్శించిన 3 వరుసల సీటింగ్ గల 7-సీటర్ వ్యాగన్ఆర్ కారును గుజరాత్లోని మారుతి సుజుకి ప్రొడక్షన్ ప్లాంటులో ఉత్పత్తి చేసే అవకాశం ఉంది.
డిజైన్ పరంగా అదే కాన్సెప్ట్ను పోలి ఉంటుంది. అప్పట్లో ప్రదర్శనకు వచ్చిన మోడల్ పొడవును 100ఎమ్ఎమ్ వరకు పెంచి, అదే వీల్ బేస్ మరియు గ్రౌండ్ క్లియరెన్స్తో బడ్జెట్ ఫ్రెండ్లీ ఎమ్పీవీని నిర్మించనుంది.
సబ్ కాంపాక్ట్ ఎమ్పీవీ సెగ్మెంట్లోకి వచ్చే వ్యాగన్ఆర్ 7-సీటర్ సాంకేతికంగా మారుతి వారి పాపులర్ 1.0-లీటర్ కె-సిరీస్ పెట్రోల్ ఇంజన్తో రానుంది. ఇది గరిష్టంగా 84బిహెచ్పి పవర్ మరియు 114ఎన్ఎమ్ టార్క్ ఉత్పత్తి చేస్తుంది.
ట్రాన్స్మిషన్ పరంగా చూస్తే వ్యాగన్ఆర్ 7-సీటర్ 5-స్పీడ్ మ్యాన్యువల్ గేర్బాక్స్ మరియు ఆటోమేటిక్ ట్రాన్స్మిషన్ గేర్బాక్స్తో ఆప్షనల్గా లభించనుంది. మారుతి వ్యాగన్ఆర్ 7-సీటర్ ఎమ్పీవీ ధరల శ్రేణి రూ. 4.5 లక్షల నుండి 6 లక్షల మధ్య ఎక్స్-షోరూమ్గా ఉండే అవకాశం ఉంది.
Continue with Google