లారా సెడాన్‌ను రీకాల్ చేసిన స్కోడా

స్కోడా ఆటో ఇండియా సర్వీస్ యాక్షన్ ఆలర్ట్ సెక్షన్‌లో తమ వెబ్‌సైట్ ఆధారంగా ప్రకటించింది. చెక్ రిపబ్లిక్ దేశానికి చెందిన స్కోడా ఏబిఎస్/ఇసిఎస్ కంట్రోల్ యూనిట్లలో సాఫ్ట్‌వేర్ అప్‌డేట్ కోసం సర్వీస్ క్యాంపెయిన్ నిర్వహిస్తోంది.

2009 మరియు 2010 మధ్య స్కోడా విక్రయించిన 663 లారా కార్లను రీకాల్ చేసింది. వీటిలో సాఫ్ట్‌వేర్ అప్‌డేట్ తప్పనిసరి. ఇందులో స్కోడా ఇండియా ప్రత్యేక క్యాంపెన్ నిర్వహించడానికి ముందుకొచ్చింది.

అధీకృత స్కోడా డీలర్లు రీకాల్‌కు గురైన కార్ల కస్టమర్లకు స్కోడా ఫోన్ చేసి సర్వీస్ కోసం అపాయింట్ ఇవ్వనున్నారు. ఈ మొత్తం సర్వీస్ ఉచితంగా అందిస్తున్నారు. కేవలం గంట వ్యవధిలో సాఫ్ట్‌వేర్ అప్‌డేట్ చేస్తామని తెలిపారు.

మరి మీరు కూడా ఇదే కాలంలో స్కోడా లారా కారును కొనుగోలు చేసినట్లయితే, దానిని గుర్తించడం ఎలా? చాలా సింపుల్... ఇక్కడ క్లిక్ చేసి, మీ వెహికల్ ఐడింటిఫికేషన్ నంబర్ ద్వారా చెక్ చేసుకోవచ్చు.

యాంటీ-లాక్ బ్రేకింగ్ సిస్టమ్ చక్రాలు లాక్ అవడాన్ని మరియు అనివార్యపు టైర్ల జారుడును నివారిస్తుంది. వెహికల్ ఎమర్జెన్సీ బ్రేకింగ్ సందర్భంలో వెహికల్ స్టెబిలిటీని కంట్రోల్ చేయడానికి ఎలక్ట్రానిక్ స్టెబిలిటి కంట్రోల్ సిస్టమ్ ఉపయోగపడుతుంది.

అమెరికాకు చెందిన ఫియట్ క్రిస్లర్ ఆటోమొబైల్స్ ఇండియన్ మార్కెట్లో సుమారుగా 1,200 యూనిట్ల కంపాస్ ఎస్‌యూవీలను రీకాల్ చేసింది. కంపాస్ వాహనంలో ప్యాసింజర్ సైడ్ ఎయిర్ బ్యాగును మార్చడం కోసం లోపం ఉన్న వాహనాలను వెనక్కి పిలిచింది.

డ్రైవ్‌స్పార్క్ తెలుగు అభిప్రాయం!

స్కోడా ఆటో ఇండియా స్వచ్ఛందంగా లారా మోడల్‌ను రీకాల్ చేసింది. కస్టమర్ల భద్రతను దృష్టిలో ఉంచుకుని తమ కార్లలో సాంకేతికంగా తలెత్తిన లోపాన్ని సవరించడానికి స్వయంగా ముందుకొచ్చింది.