వోక్స్‌వ్యాగన్ టి-రాక్ ఆవిష్కరణ: ఎలా ఉందో ఓ లుక్కేసుకుందాం రండి

వోక్స్‌వ్యాగన్ టి-రాక్ ఎస్‌యూవీ బోల్డ్ ఫ్రంట్‌ లుక్‌తో, ఆకర్షణీయమైన ఫ్రంట్ డిజైన్ మరియు వీల్ ఆర్చెస్ ఉన్నాయి. వోక్స్‌వ్యాగన్ దీనిని గోల్ఫ్ ఆధారంగా అభివృద్ది చేసినప్పటికీ, ప్రక్కవైపుల ప్లాస్టిక్ క్లాడింగ్ మరియు ఎత్తైన బాడీతో రూపొందించడం ద్వారా టి-రాక్ కాంపాక్ట్ ఎస్‌యూవీ సెగ్మెంట్లోకి వచ్చి చేరింది.

Recommended Video

Jeep Compass Launched In India | In Telugu - DriveSpark తెలుగు

వోక్స్‌వ్యాగన్ టి-రాక్ కాంపాక్ట్ ఎస్‌యూవీలో మూడు పెట్రోల్ మరియు మూడు డీజల్ మొత్తం ఆరు ఇంజన్ వేరియంట్లలో ప్రవేశపెట్టనుంది.

పెట్రోల్ ఆప్షన్స్

• 1.0-లీటర్ ఇంజన్ 113బిహెచ్‌పి పవర్ మరియు 113ఎన్ఎమ్ టార్క్, 6-స్పీడ్ మ్యాన్యువల్ గేర్‌బాక్స్, ఫ్రంట్ వీల్ డ్రైవ్.


• 1.5-లీటర్ 113బిహెచ్‌పి పవర్ ఉత్పత్తి చేయగల ఇంజన్, 6-స్పీడ్ మ్యాన్యువల్ మరియు 7-స్పీడ్ ఆటోమేటిక్ ట్రాన్స్‌మిషన్ మరియు ఆప్షనల్ ఆల్ వీల్ డ్రైవ్ సిస్టమ్‌తో లభించనుంది.
• వోక్స్‌వ్యాగన్ టి-రాక్ లో రానున్న మూడువ ఇంజన్ 2.0-లీటర్ పెట్రోల్ ఇంజన్ 187బిహెచ్‌పి పవర్ ఉత్పత్తి చేస్తుంది. ఆటోమేటిక్ ట్రాన్స్‌మిషన్ మరియు ఆల్ వీల్ డ్రైవ్ సిస్టమ్‌తో రానుంది.



• డీజల్ ఇంజన్ వేరియంట్లు
• 113బిహెచ్‌పి పవర్ ఉత్పత్తి చేయగల 1.6-లీటర్ ఇంజన్ 6-స్పీడ్ మ్యాన్యువల్ ట్రాన్స్‌మిషన్ మరియు ఫ్రంట్ వీల్ డ్రైవ్‌తో లభించనుంది.
• 148బిహెచ్‌పి పవర్ ఉత్పత్తి చేయగల 2.0-లీటర్ ఇంజన్ 6-స్పీడ్ మ్యాన్యువల్ మరియు 7-స్పీడ్ ఆటోమేటిక్‌తో పాటు ఆప్షనల్ ఆల్ డ్రైవ్ సిస్టమ్‌తో లభించనుంది.
• 187బిహెచ్‌పి పవర్ ఉత్పత్తి చేసే 2.0-లీటర్ ఇంజన్ ఆటోమేటిక్ ట్రాన్స్‌మిషన్ మరియు ఆల్ వీల్ డ్రైవ్ సిస్టమ్‌లతో లభించనుంది.



వోక్స్‌వ్యాగన్ టి-రాక్ ఎస్‌యూవీ ఇంటీరియర్ మరియు ఎక్ట్సీరియర్‌ను కస్టమర్ల అవసరాలకు అనుగుణంగా తీర్చిదిద్దింది. అంతే కాకుండా స్వయంగా వోక్స్‌వ్యాగన్ దీని మీద కస్టమైజేషన్ ఆప్షన్స్ అందిస్తోంది. ఎక్ట్సీరియర్ మీద డ్యూయల్ టోన్ పెయింట్ స్కీమ్‌తో ఎంచుకోవచ్చు.



వోక్స్‌వ్యాగన్ టి-రాక్ కాంపాక్ట్ ఎస్‌యూవీ ఇంటీరియర్‌లో 6.5-అంగుళాల పరిమాణం ఉన్న బేసిక్ టచ్ స్క్రీన్ ఇన్ఫోటైన్‌మెంట్ సిస్టమ్ కలదు. మరియు ఆప్షనల్‌గా 8.0-అంగుళాల పరిమాణం ఉన్న ఇన్ఫోటైన్‌మెంట్‌ను సెలక్ట్ చేసుకోవచ్చు. ఇది ఆండ్రాయిడ్ ఆటో, ఆపిల్ కార్ ప్లే వంటి అప్లికేషన్లను సపోర్ట్ చేస్తుంది.



జర్మన్ దిగ్గజం వోక్స్‌వ్యాగన్ తమ టి-రాక్ ఎస్‌యూవీని డిసెంబర్‌లో ఇంగ్లాండులో విడుదల చేయనుంది. విడుదలకు ముందే, అంటే వచ్చే సెప్టెంబర్‌లో దీని మీద ముందస్తు బుకింగ్స్ ప్రారంభించనుంది. అతి త్వరలో ధరల వివరాలు కూడా వెల్లడించనుంది.



ఇండియాలో వోక్స్‌వ్యాగన్ తమ టి-రాక్ ఎస్‌యూవీ విడుదల గురించి ఎలాంటి ప్రకటన చేయలేదు. దేశీయంగా కాంపాక్ట్ ఎస్‌యూవీ సెగ్మెంట్లో మంచి అవకాశాలు ఉన్న నేపథ్యంలో దీని విడుదల పట్ల సానుకూలత కనిపిస్తోంది.