వి-క్లాస్ మార్కో పోలోని ఆవిష్కరించిన మెర్సిడెస్ బెంజ్

మెర్సిడెస్ బెంజ్ నుంచి విడుదలైన మార్కోపోలో కారు లాగ మాత్రమే కాదు, ఒక చిన్న ఇంటిని తలపిస్తుంది. ఇది చాలా విలాసవంతగా వినియోగదారునికి అనుకూలంగా ఉంటుంది. ఒక్క మాటలో చెప్పాలంటే ఇది చక్రాలపై ఒక ఇల్లులాగా ఉంటుంది.

మెర్సిడెస్ బెంజ్ వి-క్లాస్ మార్కోపోలో కార్ సాధారంగా వుండే వాటికంటే కూడా కొంత అదనంగా ఉంది. మార్కోపోలో ధర రూ. 1.38 కోట్లు (ఎక్స్-షోరూమ్, ఇండియా). ఇది ఎలైట్ వేరియంట్ కంటే ఎక్కువధరను కలిగి ఉంది.

మార్కోపోలో బహిరంగ ప్రదేశాలలో క్యాంప్ లాగ ఉపయోగపడుతుంది. ఇది నలుగురు వ్యక్తులకు వసతి కల్పించగలదు. టాప్-స్పెక్ వి-క్లాస్ మార్కో పోలో సోఫా-కమ్-బెడ్, వార్డ్రోబ్, ఫోల్డ్-అవుట్ టేబుల్, 40-లీటర్ ఫ్రిజ్ మరియు చిన్న కిచెన్‌ కూడా ఉంటుంది. కానీ బెంజ్ యొక్క ఎంట్రీ లెవల్ హారిజోన్ స్పెక్‌లో కిచెన్, వార్డ్రోబ్‌ వంటి సౌకర్యాలు ఉండవు.

మార్కో పోలో 2.0-లీటర్, నాలుగు సిలిండర్ టర్బో-డీజిల్ ఇంజిన్‌ని కలిగి ఉంటుంది. ఇది 163 హెచ్‌పి మరియు 380 ఎన్ఎమ్ టార్క్ ని ఉత్పత్తి చేస్తుంది. ఇంజిన్ 9-స్పీడ్ టార్క్-కన్వర్టర్ ఆటోమేటిక్ గేర్‌బాక్స్‌కు జత చేయబడింది.

కొలతల పరంగా మార్కో పోలో V- క్లాస్ యొక్క లాంగ్-వీల్ బేస్ వెర్షన్ (V- క్లాస్ ఎలైట్ మాదిరిగానే) పై ఆధారపడి ఉంటుంది. ఇది 5,140 మిమీ పొడవు, 1,928 మిమీ వెడల్పు, 1,901 మిమీ ఎత్తు, మరియు 3,200 ఎంఎం వీల్‌బేస్ ని కలిగి ఉంటుంది.

బెంజ్ నుంచి విడుదలైన మార్కోపోలో లగ్జరీ క్యాంపర్‌కు ప్రత్యక్ష పోటీదారులు లేరు. మినీ-హోమ్ కోసం వెతుకుతున్న కస్టమర్ల ఇది ఒక అద్భుతమైన అవకాశం.