ఆ ప్లాంట్‌లో 75 వసంతాలు పూర్తి చేసుకున్న బెంట్లీ; ప్లాటినం జూబ్లీ వేడుకలు

బెంట్లీ మార్క్ VI ఈ క్రీవ్ ప్లాంట్లో పూర్తిగా తయారు చేయబడిన మొట్టమొదటి కారు. బెంట్లీ మార్క్ VI కారును విలాసవంతమైన ఇంటీరియర్‌తో పాటుగా ప్రెస్డ్-స్టీల్ బాడీ షెల్‌తో రూపొందించారు. ఆ కాలంలో ఇది చాలా అరుదుగా ఉండేది.

ప్రస్తుతం క్రీవ్ ప్లాంట్ ఉన్న ప్రదేశం 1938కి ముందు వేలాది బంగాళాదుంపలకు నిలయంగా ఉండేది. ఈ ప్లాంట్ ఏర్పాటు చేయటానికి ముందు ఈ భూమి వ్యవసాయం కోసం ఉపయోగించబడింది. 1938 తరువాత, మెర్లిన్ విమాన ఇంజన్ల తయారీ కోసం క్రీవ్ ప్లాంట్ నిర్మించబడింది.

మెర్లిన్ ఎయిర్‌క్రాఫ్ట్ ఇంజన్లను ప్రత్యేక సదుపాయంలో తయారు చేయాలనే ఈ నిర్ణయం రెండవ ప్రపంచ యుద్ధంలో మిత్రరాజ్యాల విజయంలో కీలక పాత్ర పోషించింది. ఎందుకంటే ఈ ప్రదేశంలో అప్పుడు మంచి నైపుణ్యం కలిగిన కార్మికులు మరియు బాగా అనుసంధానించబడిన రవాణా సౌకర్యాలు అందుబాటులో ఉండేవి.

ఈ తయారీ కర్మాగారం కొన్ని ఉత్తమ లగ్జరీ కార్లను ఉత్పత్తి చేసినప్పటికీ, ఈ రోజు మనకు తెలిసిన క్రీవ్ ప్లాంట్ బెంట్లీని కొనుగోలు చేసిన తరువాత 1998లో ఫోక్స్‌వ్యాగన్ సంస్థ ఆధునీకరించింది. 1998 లో ఫోక్స్‌వ్యాగన్ సంస్థ బెంట్లీని స్వాధీనం చేసుకునే ముందు, క్రీవ్ ప్లాంట్లో కేవలం 38,933 కార్లు మాత్రమే నిర్మించబడ్డాయి.

బెంట్లీ కాంటినెంటల్ జిటి వంటి ఆధునిక లగ్జరీ కార్లను ప్రవేశపెట్టిన తరువాతే, బెంట్లీ అమ్మకాలు మరియు ఉత్పత్తి ప్రారంభమైంది. బెంట్లీ యొక్క భవిష్యత్ ఎలక్ట్రిక్ మోడళ్ల అభివృద్ధికి సహాయపడటానికి బెంట్లీ త్వరలోనే తమ క్రీవ్ ప్లాంట్‌లో ఓ కొత్త టెస్ట్ సెంటర్ మరియు ఆర్ అండ్ డి యూనిట్‌ను కూడా ప్రారంభించనుంది.