వావ్.. నిన్న కాక మొన్న వచ్చిన ఈ కార్.. అమ్మకాల్లో అప్పుడే టాప్ 10 లో చేరిపోయింది

భారత మార్కెట్లో అడుగుపెట్టిన ఈ కొత్త నిస్సాన్ మ్యాగ్నైట్ కారు, విడుదలైన అతి తక్కువ కాలంలోనే కొత్త చరిత్రను తిరగరాసింది. కొత్త నిస్సాన్ మాగ్నెట్ ఎస్‌యూవీ రికార్డు స్థాయిలో అమ్మకాలను చేపట్టింది. నిస్సాన్ ఇండియా అందించిన సమాచారం ప్రకారం, ఎస్‌యూవీ ప్రారంభించినప్పటి నుండి ఇప్పటికి 33,000 యూనిట్ల బుకింగ్‌లు వచ్చాయి.

నిస్సాన్ కొత్త నిస్సాన్ మాగ్నెట్ ఎస్‌యూవీకి చెందిన 4,527 యూనిట్లను కేవలం గత ఒక్క నెలలో విక్రయించింది. టాప్ 10 కార్ల అమ్మకాల జాబితాలో నిస్సాన్ ఇండియా ఇప్పుడు తొమ్మిదో స్థానంలో నిలిచింది. కొత్త నిస్సాన్ మాగ్నెట్ ఎస్‌యూవీ అమ్మకాల పరంగా ఫోర్డ్, ఎంజి మోటార్, ఫోక్స్‌వ్యాగన్, స్కోడా, ఫియట్‌ వంటి వాటిని అమ్మకాలలో అధిగమించింది.

2019 డిసెంబర్‌లో నిస్సాన్ ఇండియా 599 యూనిట్లను మాత్రమే విక్రయించింది. నిస్సాన్ ఇండియా ఈ నెల అమ్మకాలలో భారీ పెరుగుదల నమోదు చేసింది. నిస్సాన్ మ్యాగ్నైట్ యొక్క అమ్మకాల వల్ల మార్కెట్లో కంపెనీ ముందజలో పరుగులు తీయడానికి అనుకూలంగా మారింది.

దేశీయ మార్కెట్లో కొత్త మాగ్నెట్ ఎస్‌యూవీ ప్రారంభ ధర రూ. 4.99 లక్షలు. మాగ్నైట్ ఎస్‌యూవీ తన విభాగంలో మారుతి సుజుకి విటారా బ్రెజ్జా, కియా సోనెట్, హ్యుందాయ్ వెన్యూ, టాటా నెక్సాన్, మహీంద్రా ఎక్స్‌యువి 300, ఫోర్డ్ ఎకోస్పోర్ట్ మరియు హోండా డబ్ల్యుఆర్-వి వంటి వాటికి ప్రత్యర్థిగా ఉంటుంది.

కొత్త నిస్సాన్ మ్యాగ్నైట్ ఇతర ఎస్‌యూవీల ధరలకంటే తక్కువగా ఉంటుంది, అంతే కాకుండా మంచి అప్డేటెడ్ ఫీచర్స్ కూడా కలిగి ఉంటాయి. కావున ఎక్కువమంది వినియోగదారులు దీనివైపు ఆకర్శించబడుతున్నారు. నిస్సాన్ ఇండియా తన కొత్త సిఎంఎఫ్-ఎ ప్లస్ ప్లాట్‌ఫామ్‌పై ఈ ఎస్‌యూవీని నిర్మించింది.

నిస్సాన్ భాగస్వామి సంస్థ రెనాల్ట్ ఇండియా త్వరలో తన కొత్త కిగర్ కాంపాక్ట్ ఎస్‌యూవీని ఈ ప్లాట్‌ఫాంపై విడుదల చేయడానికి సంకల్పించడం గమనార్హం. ఇండియన్ మార్కెట్లో కొత్త రెనాల్ట్ కిగర్ ప్రారంభించిన తర్వాత కూడా నిస్సాన్ మాగ్నెట్ అమ్మకాల మాదిరిగా కొనసాగుతుందో, లేదో అనేది తెలుసుకోవడానికి కొంతకాలం వేచి చూడాలి.

నిస్సాన్ ఇండియా అనేక ఫీచర్లు మరియు పరికరాలతో తన కొత్త మాగ్నైట్ కాంపాక్ట్ ఎస్‌యూవీని విడుదల చేసింది. ఈ ఎస్‌యూవీని రెండు ఇంజన్ ఆప్షన్లతో విక్రయించబడుతుంది. అవి 1.0-లీటర్ నేచురల్లీ యాస్పిరేటెడ్ పెట్రోల్ ఇంజన్ మరియు 1.0-లీటర్ టర్బో పెట్రోల్ ఇంజన్. నేచురల్లీ యాస్పిరేటెడ్ పెట్రోల్ ఇంజన్ 5 స్పీడ్ మాన్యువల్ గేర్‌బాక్స్ కలిగి ఉండగా, టర్బో పెట్రోల్ ఇంజన్ 5 స్పీడ్ మాన్యువల్ మరియు సివిటి గేర్‌బాక్స్ కలిగి ఉంది.