ఎస్-క్రాస్ ఫేస్‌లిఫ్ట్ గురించి ఊహించిన ప్రకటన చేసిన మారుతి సుజుకి

ఎస్-క్రాస్ ఫేస్‌లిఫ్ట్ ఫ్రంట్ డిజైన్‌లో పొడవాటి క్రోమ్ స్లాట్లున్న ఫ్రంట్ గ్రిల్ కలదు. కండలు తిరిగిన రూపంలో దర్శనమిస్తున్న ఇందులో ఫ్రంట్ బంపర్ మొత్తాన్ని రీ డిజైన్ చేశారు. సరికొత్త ప్రొజెక్టర్ హెడ్ ల్యాంప్స్ మరియు పగటి పూట వెలిగే ఎల్ఇడి లైట్లు ఉన్నాయి.

ఈ ఎస్‌యూవీ వైనుక వైపు డిజైన్‌లో కొద్దిగా మార్పులు జరిగాయి. ప్రదానంగా టెయిల్ ల్యాంప్ డిజైన్‌ స్వల్పంగా మారింది. ఎస్-క్రాస్ ఫేస్‌లిఫ్ట్ చూడటానికి రెగ్యులర్ ఎస్-క్రాస్‌నే పోలి ఉంటుంది.

Recommended Video

Tata Nexon Review: Specs

ఇంటీరియర్‍‌లో కూడా ముఖ్యమైన మార్పులు సంతరించుకున్నాయి. ప్రత్యేకించి ఆపిల్ కార్ ప్లే మరియు ఆండ్రాయిడ్ ఆటో వంటి అప్లికేషన్లను సపోర్ట్ చేయగల సరికొత్త అప్‌డేటెడ్ టచ్ స్క్రీన్ ఇన్ఫోటైన్‌మెంట్ సిస్టమ్ ఇందులో వచ్చింది.

మారుతి ఎస్-క్రాస్ ఫేస్‍‌లిఫ్ట్ ఎస్‌యూవీలో ఇది వరకే ఉన్న 1.3-లీటర్ సామర్థ్యం గల నాలుగు సిలిండర్ల డీజల్ ఇంజన్ వేరియంట్లో రానుంది. 5-స్పీడ్ మ్యాన్యువల్ ట్రాన్స్‌మిషన్ గేర్‌బాక్స్ అనుసంధానంతో రానున్న ఇది గరిష్టంగా 89బిహెచ్‌పి పవర్ మరియు 200ఎన్ఎమ్ టార్క్ ఉత్పత్తి చేస్తుంది.

మారుతి సుజుకి ఎస్-క్రాస్ ఎస్‌యూవీని 2015లో తొలిసారి విడుదల చేసినప్పుడు 1.3-లీటర్ మరియు 1.6-లీటర్ కెపాసిటి గల డీజల్ ఇంజన్‌లను ప్రవేశపెట్టింది. అయితే, 1.6-లీటర్ డీజల్ ఇంజన్ వేరియంట్లకు ఆశించిన ఆదరణ లభించకపోవడంతో, కేవలం 1.3-లీటర్ వేరియంట్లో మాత్రమే అందుబాటులో ఉంచింది.

డ్రైవ్‌స్పార్క్ తెలుగు అభిప్రాయం!

ప్రస్తుతం మారుతి లైనప్‌లో ఉన్న ఎస్-క్రాస్ తో పోల్చుకుంటే ఫేస్‌లిఫ్ట్ ఎస్-క్రాస్ ధరలు స్వల్పంగా పెరిగే అవకాశం ఉంది. అయితే, రెగ్యులర్ వెర్షన్‌తో పోల్చినపుడు ఎన్నో మార్పులు కనిపించే విధంగా ఎక్ట్సీరియర్ మరియు ఇంటీరియర్ భారీ అప్‌డేట్స్‌కు గురయ్యింది.