Just In
- 40 min ago సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- 3 hrs ago 'కావ్య మారన్' ఖరీదైన కార్లు ఇవే! ఇక్కడ చూడండి
- 4 hrs ago ట్రాఫిక్లో ఉన్నప్పుడు ఈ పొరపాట్లు చేశారో.. ప్రమాదాన్ని కొని తెచ్చుకున్నట్లే.!!
- 5 hrs ago బిలినీయర్ మనసుదోచిన ఆటో ఇదే!.. ధర తెలిస్తే మీరు కొనేస్తారు
Don't Miss
- News కేసీఆర్ డ్రామా అదిరిందయ్యా చంద్రం!
- Finance Gold Bonds: గోల్డ్ బాండ్స్ ప్రీమెచూర్ ధర ప్రకటించిన ఆర్బీఐ.. పూర్తి వివరాలివే..
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Sports ఆ చెత్త నిర్ణయమే ఆర్సీబీ కొంపముంచింది- ఫించ్
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
- Movies నాతో ఆ పని చేస్తావా? ఒక రాత్రికి ఎంత తీసుకుంటావ్.. జబర్ధస్త్ బ్యూటీ ఏమన్నదో చూశారంటే!
రికార్డులన్నీ బ్రేక్ చేసి లక్ష యూనిట్ల బుకింగ్స్ దిశగా స్విఫ్ట్!!
మూడవ తరం మారుతి సుజుకి స్విఫ్ట్ హ్యాచ్బ్యాక్కు విపరీతమైన డిమాండ్ లభిస్తోంది. మారుతి తమ 2018 స్విఫ్ట్ మీద జనవరి 18 న బుకింగ్స్ ప్రారంభించగా, సరిగ్గా నెల రోజుల్లో 60,000 లకు పైగా బుకింగ్స్ నమోదయ్యాయి.
Recommended Video
మారుతి సుజుకి ఫిబ్రవరి 2018 ప్రారంభంలో జరిగిన ఆటో ఎక్స్పో 2018 వేదికగా ఇండియన్ మార్కెట్లోకి విడుదల చేసిన మూడవ తరం స్విఫ్ట్ హ్యాచ్బ్యాక్కు విపరీతమైన డిమాండ్ లభిస్తోంది. మారుతి తమ 2018 స్విఫ్ట్ మీద జనవరి 18 న బుకింగ్స్ ప్రారంభించగా, సరిగ్గా నెల రోజుల్లో 60,000 లకు పైగా బుకింగ్స్ నమోదయ్యాయి.
మరో నెలలో ఈ సంఖ్య లక్షకు చేరుకోవచ్చని అంచనా... మూడవ తరానికి సరికొత్త 2018 స్విఫ్ట్ మారుతి సుజుకి ఇండియాకు భారీ సక్సెస్ సాధించిపెట్టింది. ప్రపంచ వ్యాప్తంగా స్విఫ్ట్ మోడల్కు ఇండియా అతి పెద్ద మరియు అతి ముఖ్యమైన మార్కెట్.
జపాన్ దిగ్గజం సుజుకి దేశీయ సంస్థ మారుతి భాగస్వామ్యంతో ఇండియన్ మార్కెట్లోకి విడుదల చేసిన ఫస్ట్ జనరేషన్ మరియు సెకండ్ జనరేషన్ స్విఫ్ట్ ద్వారా ఏకంగా 20 లక్షలకుగా పైగా విక్రయించింది.
పోటీ పెరుగుతున్న నేపథ్యంలో రెండవ తరం స్విఫ్ట్ కారును గత ఏడాది చివరిలో మార్కెట్ నుండి శాశ్వతంగా తొలగించింది. మూడవ తరం స్విఫ్ట్ కారును సరికొత్త డిజైన్ అంశాలతో అత్యాధునిక ఇంటీరియర్ మరియు సేఫ్టీ ఫీచర్లను అందించి ధరకు తగ్గ విలువలతో లాంచ్ చేసింది.
మారుతి సుజుకితో పాటు భారత ప్యాసింజర్ కార్ల పరిశ్రమ ఊహించని ఫలితాలు సాధిస్తూ రికార్డులు మీద రికార్డులు నెలకొల్పుతోంది. మారుతి సుజుకి గత ఏడాది విడుదల చేసిన న్యూ డిజైర్ ద్వారా భారీ విజయాన్ని అందుకుంది. అయితే, డిజైర్ మీద లభించిన ఆదరణ స్విఫ్ట్ మీద రెట్టింపు అయ్యింది.
ప్రొడక్షన్ అవస్థలు
ఇండియన్ ప్యాసింజర్ కార్ల పరిశ్రమలో కనీస సేల్స్ లభించని సంస్థలు ఎన్నో ఉన్నాయి. వాటితో పోల్చితే మారుతి సుజుకి చాలా విభిన్నం. నెల రోజుల్లో 60 వేల బుకింగ్స్ అంటే డిమాండుకు తగ్గ ఉత్పత్తి చేయలేక మారుతి మీద ఒత్తిడి ఎప్పటికప్పుడు పెరుగుతోంది.
మారుతి సుజుకి కంపెనీకి భారత్లో రెండు తయారీ కేంద్రాలు ఉన్నాయి. అందులో ఒకటి గుజరాత్లో మరొకటి హర్యానాలో ఉంది. ప్రస్తుతం స్విప్ట్ను హర్యానాలో ఉత్పత్తి చేస్తోంది. బుకింగ్స్ అధికమవుతున్న నేపథ్యంలో స్విఫ్ట్ డెలివరీకి వెయిటింగ్ పీరియడ్ సుమారుగా రెండు నెలల పాటు ఉంది.
మారుతి 2018 స్విఫ్ట్ హ్యాచ్బ్యాక్ పెట్రోల్ మరియు డీజల్ ఇంజన్ ఆప్షన్లో మ్యాన్యువల్ మరియు ఆటోమేటిక్ గేర్బాక్స్ వేరియంట్లలో లభ్యమవుతోంది. సరికొత్త ఫ్రంట్ డిజైన్, విశాలమైన క్యాబిన్ స్పేస్, ఫస్ట్ ఇన్ క్లాస్ ఇంటీరియర్ ఫీచర్లు, అతి ముఖ్యమైన టచ్ స్క్రీన్ ఇన్ఫోటైన్మెంట్ సిస్టమ్, ఫ్లాట్ బాటమ్ స్టీరింగ్ వీల్ మరియు డ్యూయల్ ఫ్రంట్ ఎయిర్ బ్యాగులు, యాటీ-లాక్ బ్రేకింగ్ సిస్టమ్ మరియు ఎలక్ట్రానిక్ బ్రేక్ ఫోర్స్ డిస్ట్రిబ్యూషన్ వంటి ఫీచర్లు ఇందులో ఉన్నాయి.
మారుతి సుజుకి స్విఫ్ట్ పెట్రోల్ వేరియంట్ల ధరల శ్రేణి రూ. 4.99 లక్షల నుండి రూ. 7.39 లక్షలు మరియు స్విఫ్ట్ డీజల్ వేరియంట్ల ధరల శ్రేణి రూ. 5.99 లక్షల నుండి 8.29 లక్షల మధ్య ఎక్స్-షోరూమ్(ఢిల్లీ)గా ఉన్నాయి.