భారత్‌లో గ్లోస్టర్ ఎస్‌యూవీ బుకింగ్స్ ప్రారంభించిన ఎంజి మోటార్స్

ఈ రోజు నుండి దేశవ్యాప్తంగా ఎంజీ గ్లోస్టర్ బుకింగ్ ప్రారంభించబడింది. దీనిని రూ. 1 లక్ష ముందస్తు అడ్వాన్స్ ద్వారా కంపెనీ డీలర్‌షిప్‌లో లేదా ఆన్‌లైన్‌లో బుక్ చేసుకోవచ్చు. పండుగ సీజన్‌లో ఎంజీ గ్లోస్టర్‌ను త్వరలో విడుదల చేయనున్నారు.

ఎంజీ గ్లోస్టర్ యొక్క అన్ని ఫీచర్స్ ఇప్పుడు వెల్లడయ్యాయి. ఈ పెద్ద ఎస్‌యూవీలో కంపెనీ పెద్ద క్యాబిన్ ఇవ్వబోతోంది, డాష్‌బోర్డ్ ఆకర్షణీయంగా కనిపించే దాని డాష్‌బోర్డ్‌లో డ్యూయల్ టోన్ కలర్‌లో ఉంచారు. ఈ ఎస్‌యూవీ మీకు 64 యాంబియంట్ లైటింగ్ ను ఎంచుకునే అవకాశం ఇచ్చింది.

ఎంజి గ్లోస్టర్‌లో 12.3-ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, 8 ఇంచెస్ డిజిటల్ ఇన్‌స్ట్రుమెంట్ క్లస్టర్, త్రీ-జోన్ క్లైమేట్ కంట్రోల్, కూల్ అండ్ హీటెడ్ సీట్లు, పనోరమిక్ సన్‌రూఫ్, ఐస్‌మార్ట్ టెక్నాలజీ 2.0 మొదలైనవి ఇందులో ఉంటాయి. కొత్త 3 డి మ్యాపింగ్, సాంగ్స్ కోసం వాయిస్ సెర్చ్, యాంటీ తెఫ్ట్ ఇమ్మొబిలైజేషన్ మొదలైన వాటికి కొత్త ఐస్‌మార్ట్ టెక్నాలజీ అందించబడుతుంది.

గ్లోస్టర్ ఎస్‌యూవీకి అధునాతన డ్రైవర్ అసిస్ట్ సిస్టమ్, ఆటో పార్క్ అసిస్ట్ ఫీచర్, ఫ్రంట్ కొలిసియన్ వార్ణింగ్, బ్లైండ్ స్పాట్ మానిటరింగ్, లేన్ డిపార్టర్ వార్ణింగ్, ఆటోమేటిక్ బ్రేకింగ్, అడాప్టివ్ క్రూయిజ్ కంట్రోల్, రోల్‌ఓవర్ మిటిగేషన్, మల్టిపుల్ టెర్రయన్ మోడ్స్ లభిస్తాయి. దీనితో పాటు ఎస్‌యూవీకి ఆన్-డిమాండ్ ఫోర్-వీల్ డ్రైవ్ సిస్టమ్ లభిస్తుంది.

గ్లోస్టర్ యొక్క ఆన్-రోడ్ మరియు ఆఫ్-రోడ్ సామర్థ్యాన్ని మెరుగుపరచడానికి ఈ అన్ని లక్షణాలు మరియు పరికరాలు ఉపయోగించబడతాయి. ఎంజి గ్లోస్టర్‌లో రాక్, సాండ్, మడ్ మరియు స్నో వంటి డ్రైవింగ్ మోడ్‌లు కూడా ఉంటాయి. ఇంటీరియర్‌కు ప్రీమియం లుక్ ఇవ్వడానికి, కాంట్రాస్ట్ వైట్ స్టిచింగ్, బ్లాక్ అప్హోల్స్టరీతో లెదర్ సీట్లు ఇవ్వబడతాయి.

ఇందులో మొదటి, రెండవ వరుసలో కెప్టెన్ సీటుతో పాటు మూడవ వరుసలో పెద్ద సీటును కలిగి ఉంటుంది. సౌకర్యాన్ని దృష్టిలో ఉంచుకుని, డ్రైవర్ సీటుపై మసాజ్ ఫీచర్ ఇవ్వబడుతుంది. ఈ ఎంజి గ్లోస్టర్ కొలతలను గమనించినట్లయితే దీని పొడవు 5005 మిమీ, వెడల్పు 1932 మిమీ మరియు ఎత్తు 1875 మిమీ. ఈ ఎస్‌యూవీ వీల్‌బేస్ 2950 మి.మీ ఉంటుంది.

ఎంజి గ్లోస్టర్ దాని విభాగంలో పొడవైన మరియు అతిపెద్ద ఎస్‌యూవీ. ఇది 2.0-లీటర్ ట్విన్ టర్బోచార్జ్డ్ పెట్రోల్ ఇంజన్ కలిగి ఉంది, ఇది 215 బిహెచ్‌పి శక్తిని మరియు 480 ఎన్ఎమ్ టార్క్ ఉత్పత్తి చేస్తుంది. ఈ ఇంజిన్‌ 8-స్పీడ్ ఆటోమేటిక్ గేర్‌బాక్స్ తో అందించబడుతుంది.