కరోనా ఎఫెక్ట్ : 66 సంవత్సరాలలో మొదటి సారి రద్దు చేయబడిన మొనాకో జిపి

కరోనా వైరస్ వల్ల ప్రజలు మాత్రమే కాదు అటు ఆటో మొబైల్ కంపెనీలు కూడా చాలా వరకు నష్టాల పాలయ్యాయి. కొన్ని ఆటో షో లు కూడా రద్దయ్యాయి. ఈ నేపథ్యంలో భాగంగా ఇప్పుడు 2020 మొనాకో ఎఫ్ 1 రేసింగ్ కూడా వాయిదా పడింది.

సాధారణంగా మొనాకో ఎఫ్ 1 రేస్ 1955 నుంచి జరుగుతూనే ఉంది. కానీ ఇప్పుడు ఈ కరోనా వైరస్ వ్యాప్తి వల్ల 2020 ఎడిషన్ పూర్తిగా నిలిపివేయబడింది. దాదాపు ఈ రేసింగ్ 66 సంవత్సరాలుగా జరుగుతూనే ఉంది. కానీ ఇప్పుడు ఉన్న పరిస్థితుల కారణంగా ఈ రేసింగ్ నిలిపివేయబడింది.

ఈ ఎఫ్ రేసింగ్ లో దేశవిదేశాలకు చెందిన దిగ్గజ రేసర్లు ఇందులో పాల్గొంటున్నారు. అంతే కాకుండా చాల దేశాలకు చెందిన ప్రేక్షకులు హాజరయ్యే అవకాశం ఉంది. కాబట్టి ఇలాంటి పరిస్థితులలో కరోనా విస్తృతంగా వ్యాపించే అవకాశం ఉంది.

డచ్ మరియు స్పానిష్ జిపిలతో పాటు ఈ రేసింగ్ వాయిదా పడినట్లు సిరీస్ మొదట్లో ప్రకటించారు. ఈ ప్రకటన వచ్చిన కొద్ది గంటలకు, రేసు నిర్వాహకులు - ఆటోమొబైల్ క్లబ్ డి మొనాకో ఈవెంట్ మొత్తాన్ని నిలిపివేసినట్లు ధృవీకరించింది. కానీ దీనిని తరువాత రీషెడ్యూల్ చేసే అవకాశం ఉందని కూడా తెలిపింది. ఏది ఏమైనా ఎట్టకేలకు కరోనా వల్ల ఈ రేసింగ్ నిలిచిపోయింది.

దీనికి సంబంధించి ఏసిఓ చేసిన ఒక ప్రకటన ప్రకారం ప్రపంచవ్యాప్తంగా కరోనా వైరస్ వల్ల పరిస్థితి కొంచెం విషమంగా ఉంది. ఎఫ్ 1 రేసింగ్ లో ప్రపంచ దేశాలకు చెందిన చాలా మంది చాంపియన్స్ ఇందులో పాల్గొనే అవకాశం వుంది. కాబట్టి ఇక్కడ పాల్గొనే వాళ్ళ మరియు ప్రేక్షకుల క్షేమాన్ని దృష్టిలో ఉంచుకుని ఈ రేసింగ్ నిలిపివేస్తున్నట్లు ప్రకటించింది.

ఫార్ములా 1 నిర్వాహకులు ప్రస్తుతం సవరించిన 2020 క్యాలెండర్‌ను ఖరారు చేసే పనిలో ఉన్నారు. ఈ రేసింగ్ జూన్ 7 న అజర్‌బైజాన్ జిపిలో ఈ సీజన్ ప్రారంభమవుతుందని తెలుస్తుంది. ఈ మార్పులన్నీ కొత్త నిబంధనలను ప్రవేశపెట్టడంపై కూడా ప్రభావం చూపాయి. వాస్తవానికి వచ్చే ఏడాది ప్రవేశపెట్టనున్న ఈ కొత్త సాంకేతిక నిబంధనలు ఇప్పుడు జట్లపై ఆర్థిక భారాన్ని తగ్గించడానికి 2022 కు ఆలస్యం చేయబడ్డాయి.