ఎంజి హెక్టర్ ప్లస్ యొక్క టాప్ 5 ఫీచర్స్ : పూర్తి వివరాలు

1. స్టైలిష్ డిజైన్ :

ఎంజి హెక్టర్ ప్లస్ రూపకల్పనలో ఎక్కువ మార్పులు చేయబడ్డాయి, ఇది 5-సీట్ల మోడల్‌ కంటే భిన్నంగా ఉంటుంది. ఈ కారుకు పాత హెక్టర్ కంటే భిన్నమైన కొత్త గ్రిల్ ఇవ్వబడింది మరియు దీనికి క్రోమ్ లభిస్తుంది. బంపర్ పునఃరూపకల్పన చేయబడింది మరియు కొత్త LED హెడ్‌ల్యాంప్‌లు, డైనమిక్ టర్న్ ఇండికేటర్స్ మరియు ఫాగ్ లాంప్స్‌తో అమర్చబడింది. స్కఫ్ ప్లేట్ మరియు ఎయిర్ డ్యామ్‌కు కొత్త రూపాన్ని ఇచ్చారు. డోర్ హ్యాండిల్స్‌లో క్రోమ్ ఎలిమెంట్స్ ఉన్నాయి, వీటిలో పుష్ బటన్, లాక్ మరియు అన్‌లాక్ బటన్ ఉన్నాయి.

2. కనెక్టివిటీ ఫీచర్ :

ఈ కారులో కంపెనీ ఇంటర్నెట్ కనెక్టివిటీ ఫీచర్ అందించింది. ఎంజి మోటార్ 55 కి పైగా కనెక్టెడ్ కార్ ఫీచర్లను ఇచ్చింది. దీనితో పాటు, కారు స్వైప్ ఫీచర్‌ను కూడా కలిగి ఉంది, దీని సహాయంతో హ్యాండ్స్ అవసరం లేకుండా దాని బూట్ ఓపెన్ చేయబడుతుంది. దీని కోసం, హెక్టర్ యొక్క వెనుక బంపర్ యొక్క అడుగున పాదంతో స్వైప్ చేయాలి.

3. ఇంటీరియర్ :

ఎంజీ మోటార్ హెక్టర్ ప్లస్‌కు విలాసవంతమైన ఇంటీరియర్ ఇచ్చింది. MG హెక్టర్ ప్లస్ దాని స్టాండర్డ్ మోడల్‌తో పోలిస్తే ప్రీమియం అప్హోల్స్టరీని కలిగి ఉంది. ఇది 10.4 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్‌ను కలిగి ఉంది. పనోరమిక్ సన్‌రూఫ్, యాంబియంట్ లైటింగ్, ఆటోమేటిక్ క్లైమేట్ కంట్రోల్ మరియు థర్డ్ వెంటిలేటెడ్ ఎసి వెంట్స్ మరియు యుఎస్‌బి పోర్ట్‌లను కలిగి ఉంది. ఇది మల్టీఫంక్షన్ స్టీరింగ్ వీల్ కలిగి ఉంది, అంతే కాకుండా వాల్యూమ్ కంట్రోల్, కాలింగ్ ఫంక్షన్, ఒక పుష్ టు టాక్ బటన్ మరియు క్రూయిజ్ కంట్రోల్ వున్నాయి.

4. పవర్ ఫుల్ ఇంజిన్ :

ఎంజీ హెక్టర్ ప్లస్ రెండు ఇంజన్ ఆప్షన్లతో మార్కెట్లో అమ్మబడుతోంది. ఇది మొదటి 1.5-లీటర్ టర్బోచార్జ్డ్ పెట్రోల్ ఇంజిన్‌ను కలిగి ఉంది, ఇది 143 బిహెచ్‌పి శక్తిని మరియు 250 ఎన్ఎమ్ టార్క్‌ను అందిస్తుంది. దీని రెండవ ఇంజిన్ 2.0-లీటర్ డీజిల్ ఇంజన్, ఇది 170 బిహెచ్‌పి శక్తిని మరియు 350 ఎన్ఎమ్ టార్క్‌ను అందిస్తుంది. ఇది కాకుండా, ఈ కారులో 48 వోల్ట్ మైల్డ్ హైబ్రిడ్ ఇంజన్ ఎంపిక కూడా ఇవ్వబడింది. పెట్రోల్ వెర్షన్‌లోని 6-స్పీడ్ మాన్యువల్ మరియు డిసిటి ఆటోమేటిక్ గేర్‌బాక్స్‌లు మాత్రమే దాని డీజిల్ మరియు హైబ్రిడ్ వెర్షన్లలో ఇవ్వబడ్డాయి.

5. సేఫ్టీ ఫీచర్స్ :

ఎంజీ హెక్టర్ ప్లస్ లోని సేఫ్టీ ఫీచర్స్ విషయానికి వస్తే, ఇందులో 360 డిగ్రీ కెమెరా, ఎలక్ట్రానిక్ స్టెబిలిటీ కంట్రోల్, ఫ్రంట్ అండ్ రియర్ పార్కింగ్ సెన్సార్లు, టైర్ ప్రెజర్ మానిటరింగ్ సిస్టమ్, హిల్ హోల్డ్ అసిస్ట్, ఎబిఎస్ విత్ ఇబిడి మరియు 6 ఎయిర్‌బ్యాగ్‌లతో సహా పలు అనేక సేఫ్టీ ఫీచర్స్ కలిగి ఉంది.

ప్రైస్ :

ఎంజీ హెక్టర్ ప్లస్ ధర విషయానికి వస్తే, ఈ కారు ప్రారంభ ధర రూ. 13.74 లక్షలు(ఎక్స్-షోరూమ్) కాగా, దాని టాప్ వేరియంట్ ధర రూ. 18.69 లక్షల(ఎక్స్-షోరూమ్) వరకు ఉంటుంది.