కోయంబత్తూర్‌లో తొలి సూపర్‌ఫాస్ట్ చార్జింగ్ స్టేషన్‌ను ప్రారంభించిన ఎమ్‌జి

ఈ సూపర్ ఫాస్ట్ చార్జింగ్ స్టేషన్‌లను CCS / CHAdeMO ఫాస్ట్ ఛార్జింగ్ ప్రమాణాలకు అనుగుణంగా ఉన్న అన్ని ఎలక్ట్రిక్ వాహనాల కోసం ఉపయోగించవచ్చు మరియు ఇది 5-వే ఛార్జింగ్ పర్యావరణ వ్యవస్థను అందించడానికి ఎమ్‌జి బ్రాండ్ యొక్క నిబద్ధతకు అనుగుణంగా ఉంటుంది.

టాటా పవర్ ఈజీ ఛార్జ్ బ్రాండ్ క్రింద 26 వేర్వేరు నగరాల్లో 270కి పైగా ఛార్జింగ్ పాయింట్లతో విస్తృతమైన ఈవీ ఛార్జింగ్ ఎకోసిస్టమ్‌ను ఏర్పాటు చేసింది. కస్టమర్ ఎక్స్‌పీరియెన్స్‌ను సులభతరం చేయడానికి కంపెనీ బలమైన డిజిటల్ ప్లాట్‌ఫామ్‌ను కూడా అందిస్తోంది.

ఈ సూపర్ ఫాస్ట్ చార్జింగ్ స్టేషన్‌లో ఎమ్‌జి జిఎస్ ఎలక్ట్రిక్ ఎస్‌యూవీ కస్టమర్లు తమ ఎస్‌యూవీని కేవలం 50 నిమిషాల్లోనే 80 శాతం వరకు చార్జ్ చేసుకోవ్చచు. ఎమ్‌జి జిఎస్ కారు కోసం కంపెనీ ఇతర ఛార్జింగ్ ఆప్షన్లు కూడా అందిస్తోంది. ఇందులో కస్టమర్ ఇంటి వద్ద లేదా ఆఫీస్ వద్ద ఉచిత ఏసి ఫాస్ట్ ఛార్జర్ ఇన్‌స్టాలేషన్, ఎక్స్‌టెండెడ్ ఛార్జింగ్ నెట్‌వర్క్, ఎక్కడైనా ఛార్జ్ చేయడానికి ఒక కేబుల్ మరియు రోడ్‌సైడ్ అసిస్టెన్స్‌తో కూడిన ఛార్జ్-ఆన్-ది-గో మొదలైనవి ఉన్నాయి.

ఎమ్‌జి జెడ్‌ఎస్ ఎలక్ట్రిక్-ఎస్‌యూవీ విషయానికి వస్తే, జనవరి 2020లో ఇది భారత మార్కెట్లో విడుదలైంది. ఇది ఎక్సైట్ మరియు ఎక్స్‌క్లూజివ్ అనే రెండు వేరియంట్లలో లభిస్తోంది. భారత మార్కెట్లో ఎంట్రీ లెవల్ వేరియంట్ (ఎక్సైట్) ధర రూ.20.88 లక్షలుగా ఉంటే, టాప్-ఎండ్ వేరియంట్ (ఎక్స్‌క్లూజివ్) ధర రూ.23.58 లక్షలు, ఎక్స్-షోరూమ్, ఢిల్లీగా ఉంది.

ఎమ్‌జి జెడ్‌ఎస్ ఎలక్ట్రిక్ ఎస్‌యూవీ స్పెసిఫికేషన్స్ విషయానికి వస్తే, ఈ ఎలక్ట్రిక్-ఎస్‌యూవీలో 3-ఫేజ్ పర్మినెంట్ మాగ్నెట్ 44.5 కిలోవాట్ లిథియం అయాన్ బ్యాటరీ ప్యాక్‌తో జతచేయబడి ఉంటుంది. ఈ ఎలక్ట్రిక్ మోటార్ గరిష్టంగా 141 బిహెచ్‌పి పవర్‌ను మరియు 353 ఎన్ఎమ్ టార్క్‌ను ఉత్పత్తి చేస్తుంది. ఈ ఎలక్ట్రిక్ కారు పూర్తి ఛార్జీపై గరిష్టంగా 340 కిలోమీటర్ల డ్రైవింగ్ పరిధిని అందిస్తుంది. ఇది కేవలం 8.5 సెకండ్లలోనే గంటకు 0-100 కిలోమీటర్ల వేగాన్ని చేరుకుంటుంది.

ఎమ్‌జి మోటార్స్ తమ జిఎస్ ఎలక్ట్రిక్ ఎస్‌యూవీని మార్కెట్లో విడుదల చేసిన ఏడాది కాలంలోనే 1,100 యూనిట్లకు పైగా విక్రయించింది. ప్రైవేటుగా రిజిస్టర్ చేయబడిన ఎమ్‌జి జిఎస్ ఎలక్ట్రిక్ కార్ల కోసం "ఇషీల్డ్" ప్యాకేజ్ లభిస్తుంది. ఇందులో ఎలక్ట్రిక్ కారుపై అపరిమిత కిలోమీటర్లకు గానూ 5 సంవత్సరాల ఉచిత తయారీదారు వారంటీ, బ్యాటరీపై 8 సంవత్సరాలు లేదా 1,50,000 కిమీ వారంటీ మరియు 5 సంవత్సరాల పాటు 24x7 రోడ్‌సైడ్ అసిస్టెన్స్ (ఆర్ఎస్ఏ) ఆఫర్లు ఉన్నాయి.

దేశవ్యాప్తంగా పబ్లిక్ ఫాస్ట్ ఛార్జింగ్ స్టేషన్లను ఏర్పాటు చేయడం ద్వారా ఎలక్ట్రిక్ వాహన వినియోగదారులకు మెరుగైన సౌలభ్యం మరియు యాజమాన్యాన్ని సులభతరం చేయడం కంపెనీ లక్ష్యంగా పెట్టుకుంది. ఎమ్‌జి మోటార్స్ ఏర్పాటు చేసిన ఈ సూపర్‌ఫాస్ట్ చార్జింగ్ స్టేషన్ కేవలం ఎమ్‌జి ఎలక్ట్రిక్ కార్ల కోసం మాత్రమే కాకుండా, అన్ని బ్రాండ్ల ఎలక్ట్రిక్ కార్లను ఇక్కడ చార్జ్ చేసుకోవచ్చని కంపెనీ తెలిపింది.