Just In
- 4 min ago విమానంలో ప్రేమ కావ్యం.. అద్భుతమైన సన్నివేశానికి ఫిదా అవుతున్న నెటిజన్లు
- 18 hrs ago వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- 19 hrs ago వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- 20 hrs ago 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
Don't Miss
- Finance Uday Kotak: కోటక్ బ్యాంక్ స్టాక్ క్రాష్.. పాపం ఉదయ్ కోటక్.. ఎంత నష్టపోయారంటే..
- Sports కోహ్లి.. అసలు ఇదేం బ్యాటింగ్- సునీల్ గవాస్కర్
- News రేవంత్ రెడ్డి సీటుకు భలే డిమాండ్
- Movies Ghilli Collections గిల్లీ కలెక్షన్ల సంచలనం.. విజయ్ బాక్సాఫీస్ మాస్ ఊచకోత.. ఎన్ని కోట్లంటే?
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మహీంద్రా బొలెరో నియో పేరుతో రానున్న కొత్త టియూవి300 ఫేస్లిఫ్ట్!
ఎస్యూవీ స్పెషలిస్ట్ మహీంద్రా అండ్ మహీంద్రా అందిస్తున్న పాపులర్ ఎస్యూవీ 'బొలెరో' లైనప్ను కంపెనీ ఇప్పుడు విస్తరించేందుకు ప్లాన్ చేస్తోంది. గతంలో, మహీంద్రా విక్రయించిన టియువి300 ఎస్యూవీ యొక్క ఫేస్లిఫ్ట్ వెర్షన్ను కంపెనీ బోలోరో నియోగా పేరు మార్చి విక్రయించనున్నట్లు సమాచారం.
అప్గ్రేడ్ చేయబడిన మహీంద్రా బొలెరో నియా (అలియాస్ కొత్త టియూవి300) సబ్-4 మీటర్ కాంపాక్ట్ ఎస్యూవీ విభాగంలో విడుదలయ్యే అవకాశం ఉంది. సెప్టెంబర్ 2021 నాటికి ఇది షోరూమ్లను చేరుకుంటుందని అంచనా. సరికొత్త స్టైలింగ్, ఆధునిక ఇంటీరియర్స్ మరియు లేటెస్ట్ టెక్నాలజీ ఫీచర్లతో ఈ ఎస్యూవీ డెవలప్ చేస్తున్నారు.
ఈ విభాగంలో ప్రస్తుతం మహీంద్రా విక్రయిస్తున్న ప్రీమియం కాంపాక్ట్ ఎస్యూవీ మహీంద్రా ఎక్స్యూవీ300 కన్నా తక్కువ ధరకే ఈ కొత్త మహీంద్రా బొలెరో నియో (టియూవి300 ఫేస్లిఫ్ట్) మోడల్ను ప్రవేశపెట్టనున్నట్లు సమాచారం. దీని ధర సుమారు రూ.8.50 లక్షల నుంచి రూ.11 లక్షల (ఎక్స్-షోరూమ్) మధ్యలో ఉంటుందని అంచనా.
ఈ కొత్త మహీంద్రా కాంపాక్ట్ ఎస్యూవీని ఇప్పటికే ప్రొడక్షన్ రెడీ మోడల్గా పరీక్షించారు. ఇది టియువి300 మోడల్ మాదిరిగానే బాక్సీటైప్ డిజైన్ను కలిగి ఉంటుంది. మహీంద్రా బొలెరో నియోలోని ఫ్రంట్ గ్రిల్ను మందపాటి క్రోమ్ స్లాట్స్తో రీడిజైన్ చేశారు.
రీడిజైన్ చేయబడిన ఫ్రంట్ గ్రిల్, లో సెట్ ఎయిర్ డ్యామ్తో నవీకరించబడిన ఫ్రంట్ బంపర్, కొత్త హెడ్ల్యాంప్ క్లస్టర్లు మరియు ముందు భాగంలో భిన్నంగా రూపొందించిన క్లామ్-షెల్ హుడ్ వంటి ఫీచర్లు ఇందులో ఉండనున్నాయి.
ఎస్యూవీ వెనుక భాగంలో కూడా కొన్ని మార్పులు ఉన్నట్లు గతంలో లీకైన స్పై చిత్రాలు ధృవీకరిస్తున్నాయి. కొత్త 2021 మహీంద్రా బొలెరో నియోలో కొత్త రియర్ బంపర్, టెయిల్ లాంప్స్ మరియు టెయిల్ గేట్ మీద స్పేర్-వీల్ కవర్ వంటి మార్పులు ఉన్నాయి.
ఇంటీరియర్స్లో ఈ ఎంట్రీ లెవల్ కాంపాక్ట్ ఎస్యూవీ అధునాతంగా తీర్చిదిద్దే అవకాశం ఉంది. కొత్త మహీంద్రా బొలెరో నియోలో ఆపిల్ కార్ప్లే మరియు ఆండ్రాయిడ్ ఆటోలను సపోర్ట్ చేసే కొత్త టచ్స్క్రీన్ ఇన్ఫోటైన్మెంట్ సిస్టమ్, ఆటోమేటిక్ ఏసి యూనిట్, కొత్త డాష్బోర్డ్ వంటి మరిన్నో మార్పులను ఇందులో ఆశించవచ్చు.
అంతేకాకుండా, ఇందులో ఎత్తు సర్దుబాటు చేయగల డ్రైవర్ సీట్, స్టీరింగ్ వీల్ మౌంటెడ్ కంట్రోల్స్, ఫాక్స్ లెదర్ అప్హోలెస్ట్రీ, రివర్స్ పార్కింగ్ కెమెరా, రివర్స్ పార్కింగ్ సెన్సార్లు, బహుళ ఎయిర్ బ్యాగ్స్ వంటి కంఫర్ట్ మరియు సేఫ్టీ ఫీచర్లు కూడా ఇందులో ఉండే అవకాశం ఉంది.
ఇక చివరిగా, ఇంజన్ విషయానికి వస్తే, ఇందులో ఎటువంటి ఆధునిక మార్పులు చేసే అవకాశం లేదు. కొత్త 2021 మహీంద్రా బొలెరో నియోలో బిఎస్-6 కంప్లైంట్ 1.5-లీటర్ డీజిల్ ఇంజన్ను ఉపయోగించవచ్చని సమాచారం. ఈ ఇంజన్ గరిష్టంగా 100 బిహెచ్పి శక్తిని మరియు 240 ఎన్ఎమ్ టార్క్ని ఉత్పత్తి చేస్తుంది.
ఈ ఇంజన్ ఫైవ్-స్పీడ్ మాన్యువల్ గేర్బాక్స్ లేదా ఏఎమ్టి (ఆటోమేటెడ్ మ్యాన్యువల్ ట్రాన్సిమిషన్) గేర్బాక్స్తో అనుసంధానించబడి ఉంటుంది. కాగా, ఈ ఏడాది ఆగస్ట్ నెలలో కొత్త మహీంద్రా ఎక్స్యూవీ700 లాంచ్ అయిన తర్వాత, కంపెనీ ఈ చిన్న ఎస్యూవీని విడుదల చేయాలని లక్ష్యంగా పెట్టుకున్నట్లు తెలుస్తోంది. లేటెస్ట్ అప్డేట్స్ కోసం తెలుగు డ్రైవ్స్పార్క్ని గమనిస్తూ ఉండండి.