సమ్మె ఎఫెక్ట్: మారుతి ఏ-స్టార్ ఎగుమతులు ఆలస్యం

Four Wheelers

oi-Ravi

By Ravi Shankar

Published: Monday, September 19, 2011, 12:32 [IST]

గడచిన మూడు వారాలుగా మారుతి సుజుకి మానేసర్ ప్లాంటులో కొనసాగుతున్న కార్మికుల సమ్మె కారణంగా, కంపెనీ విదేశీ మార్కెట్లలో అందిస్తున్న ఏ-స్టార్ కార్ల ఎగుమతులో భారీ జాప్యం జరుగుతోంది. (భారత మార్కెట్లో ఏ-స్టార్‌ పేరుతో అమ్ముడవుతున్న ఈ కార్లు యూరప్ మార్కెట్లలో మాత్రం "ఆల్టో" పేరుతోనూ మరికొన్ని మార్కెట్లలో "సెలెరియో" పేరుతోనూ విక్రయించబడుతున్నాయి). మానేసర్ ప్లాంటులో కొత్త స్విఫ్ట్, స్విఫ్ట్ డిజైర్, ఏ-స్టార్ మరియు రిట్జ్ కార్లు ఉత్పత్తి అవుతాయి.

అయితే, గత మూడు వారాలుగా ఈ ప్లాంటులో మారుతి సుజుకి కేవలం కొత్త స్విఫ్ట్ హ్యాచ్‌బ్యాక్ కారునే ఉత్పత్తి చేస్తుండటంతో ఇతర మోడళ్ల ఉత్పత్తి పూర్తిగా నిలిచిపోయింది. మారుతి సుజుకి ఏ-స్టార్ కార్లకు భారత మార్కెట్లో డిమాండు పెద్దగా లేనప్పటికీ, విదేశీ మార్కెట్లో మాత్రం ఈ మోడల్‌కు మంచి ఆదరణ ఉంది. యూరప్, దక్షిణ అమెరికా, ఆఫ్రికా, ఆసియా మార్కెట్లలో ఈ కారు అమ్ముడువుతుంది. గత నెల 29 నుంచి మారుతి సుజుకి మానేసర్ ప్లాంటులో కార్మికులు సమ్మె చేస్తున్న సంగతి తెలిసిందే.